170 revsimál reist eftir ófrið

Veruligar bumbur vórðu funnar og lopið varð á løgreglufólk við táragassi. Myndugleikarnir hava ikki sæð nakað tílíkt áður. 

Soleiðis søgdu stjórin í FBI, Steven D'Antuono og ríkisákærin Michael Sherwin, tá ið tíðindafundur varð hildini í gjárkvøldið um kanningina eftir álopið á kongressina fyri viku síðani.

170 mál eru reist, og 70 fólk eru longu skuldsett. FBI og statsákærin hava fingið yvir 100.000 fráboðanir, myndir og video av fólki. Og hetta er bara byrjanin.

– Eg meti, at hendan kanningin ikki hevur sín líka, ikki bara í søguni hjá FBI men eisini í søguni hjá løgmálaráðnum, segði Michael Sherwin, ríkisákæri.