Laksaútflutningurin minkaði 600 mió. kr. í fjør

Fiskaútflutningurin fyrstu 11 mánaðirnar í ár minkaði 11 prosent í virði, men nøgdin vaks fýra prosent, vísa tøl frá Hagstovuni.

Hóast útflutningsvirðið minkaði í fjør, so er tað sjey prosent størri enn í 2018.

Hinvegin setti nøgdin av útfluttum fiskavørum met fyrstu 11 mánaðirnar í fjør. Hon var fýra prosent størri enn somu tíð í 2019, men 14 prosent størri í 2018.

Innflutningurin óbroyttur

Frá 1. januar til 1. november í fjør minkaði laksútflutningurin 16 prosent, bæði í virði og nøgd. Nøgdin minkaði 10.000 tons, og virðið á útflutta laksinum minkaði 600 milliónir krónur.

Innflutningurin fyrstu 11 mánaðirnar í fjør var á leið tann sami sum árið fyri. Oljuinnflutningurin minkaði 300 millíónir, tí prísurin lækkaði, men meira varð innflutt av olju.

Innflutningurin av vørum til húsarnýtslu vaks 11 prosent í fjør. Meira er innflutt av innbúgvi og hvítvørum, sigur Hagstovan.