TB sett kvinnu sum høvuðsungdómsvenjara

TB hevur sett Helen Nkwocha í starv sum høvuðsungdómsvenjara í felagnum. Hon fær høvuðsábyrgdina av at menna ungdómsfótbóltin á Tvøroyri.

Hon spældi við m.a. Millwall, Wimbledon, Crystal Palace og Fulham, áðrenn hon gavst vegna skaða.

Helen Nkwocha hevur A-venjaraprógv frá UEFA, og hevur verið knýtt at feløgum sum Tottenham, New York Red Bulls, Manchester United og Arsenal.

– Vit í felagnum eru sera spent uppá, at hon kemur í gongd við arbeiðið, og at vit saman kunnu halda fram við at menna felag og leikarar, skrivar TB.

Helen Nkwocha kemur til Føroyar um mánaðarskiftið.