Bretska koronufrábrigdið staðfest í Føroyum

bannari
Bretska koronufrábrigdið staðfest í Føroyum
Tíðarskeiðið í sóttarhaldi er víðkað til 14 dagar hjá smittaða fólkinum
Heilsufrøðiliga Starvsstovan hevur staðfest ein tilburð av bretska koronafrábrigdinum B.1.1.7. í Føroyum
Mynd: Savnsmynd  
 
24.01.2021 - 15:56

Bretska koronufrábrigdið er nú staðfest í Føroyum. Tað upplýsir heimasíðan corona.fo. Ein fólk úr Afrika vísti seg av vera smittað við kanningini á sætta degi.

Frá komu til Føroya hevði viðkomandi verið í sóttarhaldi, og hevði einans havt samband við ein annan persón.

Ongar ábendingar um, at onnur eru smittað

Heilsufrøðiliga starvsstovan hevur greinað kanningarúrslitið hjá viðkomandi nærri, og greiningin vísir, at talan er um bretska frábrigdið, eisini kallað B.1.1.7.

Bæði smittaði fólkið og eitt fólk, viðkomandi hevur verið í sambandi við, hava tað gott, og í løtuni bendir einki á, at onnur í Føroyum eru smittað við bretska koronufrábrigdinum, skrivar corona.fo

Nú bretska frábrigdið er staðfest, hava heilsumyndugleikarnir valt at binda um heilan fingur, og tí er tíðarskeiðið í sóttarhaldi víðkað til 14 dagar. Viðkomandi skal eisini vísa eina negativa roynd, áðrenn fólkið verður staðfest frískt.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470