Sjúkrahúsini í Danmark undir trýsti

bannari
29.01.2021 - 07:45
AktueltÚtheimurin
Sjúkrahúsini í Danmark undir trýsti
Sjúkrahúsini í landinum hava verið undir trýsti í meira enn tveir mánaðir. Tað var øðrvísi í fjør vár, tá tað gekk skjótari at steðga gongdini
 

Hetta er ein av orsøkunum til, at Danmark leingir koronuavmarkingarnar til síðst í februar. Tað er nógv meira trýst á heilsuverkið nú í mun til í fjør, tá smittan rakti landið, skrivar DR.

Sjúkrahúsini hava eisini havt opið og millum annað skurðviðgjørt knø. Tað var ikki gjørt í fjør. Tað krevur tað nógv av fólkunum, ið starvast í heilsuverkinum, sigur Søren Brostrøm, stjóri í heilsustýrinum.

Starvsfólkini sperd

Starvsfólkini hava arbeitt sera hart, og tað er spurningur, hvussu leingi, tey klára tað. Vit mugu ikki enda í teirri støðu, at vit ikki hava tamarhald á smittuni, sigur Søren Brostrøm.

Ein onnur orsøk til, at Danmark leingir um avmarkingarnar, er bretska frábrigdið av virusinum, ið smittar sera illa. Á tíðindafundinum í gjár vísti stjórin í Serumstovninum, Henrik Ullum, á álvarsligu støðuna í Onglandi, Írlandi og Portugal.

Vit vilja ikki enda í líknandi støðu, sum tey londini eru endað í. Hetta er ein av orsøkunum til, at vit mugu halda fast við avmarkingarnar, segði Henrik Ullum á tíðindafundinum.

 
Nýggjastu sendingar í ÚV
Nýggjastu sendingar í SV
Mikudag 3. mars
Úr savninum: Matur og matgerð
121098
Mánadag 1. mars
3-2
121003
Sunnudag 28. februar
TeenStreet lovsangur (5:5)
120907