BankNordik gevst nú í Danmark

Spar Nord tekur nú við virkseminum hjá BankNordik í Danmark. Í síðstu viku góðkendu donsku kappingarmyndugleikarnir søluna av BankNordik til danska bankan, Spar Nord.

Í dag hevur so yvirtøkan verið. Tað merkir, at BankNordik ikki longur fer at virka í Danmark, men stongt verður ikki beinan vegin.

Tí tað gongur ein tíð, áðrenn Spar Nord hevur tikið við øllum virkseminum og flutt øll viðskiftafólkini yvir í nýggju skipanirnar.

BankNordik hevur verið á danska marknaðinum síðani 2010. Í framtíðini fer bankin at leggja sína orku í føroyska og grønlendska marknaðin.