Havnin á Tjørnunesi fingið prinsippgóðkenning

Turrdokkin og havnin, sum Mest, Varðin, Varðin Pelagic og Eysturkommunu ætla at gera á Tjørnunesi, norðan fyri bygdina undir Gøtueiði á Skálafjørðinum, hevur fingið prinsippgóðkenning frá Yvirfriðingarnevndini.

Tað merkir, at staðsetingin er góðkend.

Men endaliga viðgerðin í Yvirfriðingarnevndini verður ikki, fyrr enn nevndin hevur fingið endaligu tekningarnar.

Havnin verður frá Tjørnunesi og norðureftir.

Talan er um eina verkætlan fyri nakrar hundrað milliónir krónur, millum annað verður turrdokkin so stór, at Norrøna kann fara í hana.