Ein triðing dýrari

Nýggju floghavnirnar í Nuuk og Ilulissat í Grønlandi kunnu gerast munandi dýrari enn ætlað, skriva grønlendskir miðlar.

Higartil hevur verið mett, at floghavnirnar fara at kosta umleið tríggjar milliardir krónur. 

Men felagið, sum stendur fyri byggingini, er nú farið at kanna møguleikarnar at læna 900 milliónir aftrat til verkætlanina, tí kostnaðarætlanin heldur ikki.

Í løtuni er ikki greitt, hvussu nógv floghavnirnar í Nuuk og Ilulissat fara at dýrka.

Sjálvstýrið eigur tveir triðingar

Grønlendska sjálvstýrið eigur 1,4 milliardir krónur í Kalaallit Airports International, og danski staturin eigur 700 milliónir kr.

Haraftrat hevur felagið lænt umleið 900 milliónir kr. til verkætlanina úr danska tjóðbankanum og norðurlendska íløgubankanum. 

Og nú er ætlanin at læna 900 milliónir aftrat.

Ætlanin er eisini at byggja floghavn í Qaqortoq í Suðurgrønlandi. Grønlendska sjálvstýrið fíggjar einsamalt hesa floghavnina.