Stórt vinningsbýti, ognin minkar og skuldin veksur

Stórt vinningsbýti, ognin minkar og skuldin veksur
Magn ætlar at rinda 93 mió. kr. í vinningsbýti, men samstundis minkar eginognin 61 mió., og langfreistaða skuldin veksur 60 mió. kr.
Magn ætlar at rinda 93 mió. kr. í vinningsbýti
Mynd: Bjarni Árting Rubeksen  
 
25.02.2021 - 14:03

Tað stendur til móðurfelagið at gera av, hvussu felagið fíggjar sítt virksemi. Men einki verður gjørt, sum ikki er ráðiligt.

Tað sigur nevndarformaðurin í Magn, Jens Meinhard Rasmussen.

Skeljungur í Íslandi eigur allan partapeningin í Magn.

Magn fer at rinda 93 milliónir kr. í vinningsbýti, samstundis sum eginognin hjá felagnum minkar 61 milliónir kr. og langfreistaða skuldin veksur 60 milliónir, skrivar in.fo í dag. 

Móðurfelagið ger av

Jens Meinhard Rasmussen vil ikki siga, hví hetta verður hildið at vera eitt gott hugskot, nú Magn fer undir eina umfatandi verkætlan saman við Pensjónsfelagnum Lív at seta vindmyllur upp.

Men verður tað gjørt, so er tað tí, at tað verður hildið at vera eitt gott hugskot, sigur Jens Meinhard Rasmussen. Hann vísir á, at tað er móðurfelagið, sum eigur avgerðina.

Sambært roknskapinum hjá Magn hækkaðu útreiðslurnar til leiðsluna í fjør úr 3,3 milliónum upp í 5,5 milliónir kr.

Ætlaðu at selja Magn

Herfyri frættist, at íslendska móðurfelagið ætlar at selja Magn burtur úr samtakinum, men einki er sagt alment um hesar ætlanir.

Ársaðalfundur verður í Skeljungi fyrst í mars.

Tveir føroyingar vóru í nevndini í Skeljungi til í fjør, tá Jens Meinhard Rasmussen og Ata Maria Bærentsen, fóru úr nevndini.

Umframt Magn, rekur Skeljungur eisini fyritøkuna Demich í Føroyum.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584