Nýtt koppingarevni á veg

Fyritøkan Johnson & Johnson er í ferð við at útvega sær loyvið frá amerikonsku myndugleikunum, so koppingarevnið, sum fyritøkan hevur ment, kann koma á handilshillarnar sum skjótast.

Ráðgevar hjá amerikanska FDA - Food and Drug Administration - hava givið loyvi, so nú vantar bert seinasta góðkenningin. Gongst sum ætlað, kann nýggja koppingarevnið verða tøkt longu mánadagin, skrivar AP tíðindastovan.

Koppingarevnið frá Johnson & Johnson er ørvísi enn onnur koppingarevni, tí tað einans krevur eitt prik.