16 milliónir settar av til havgransking

Tey, sum hava hug at granska Norðuratlantshav, kunnu fáa upp í fýra milliónir krónur til tess. Lýst verður nú eftir umsóknum til granskingarskránna Havgransking í Norðuratlantshavi.

Í umsóknarumfarinum 2021 verður dentur lagdur á gransking, sum er tengd at, men tó ikki avmarkað til ryggin millum Grønland, Ísland, Føroyar og Skotland. 

Í mesta lagi fýra milliónir til hvørja verkætlan

16 milliónir krónur eru at søkja um. Ein triðingur, góðar fimm milliónir, eru ætlaðar til gransking í føroyskum sjógvi. 

Í mesta lagi fýra milliónir krónur verða latnar til hvørja verkætlan. Dentur verður lagdur á samstarv millum Grønland, Føroyar og Danmark. 

Granskingarstovnar í í minsta lagi tveimum av teimum trimum londunum skulu hava samstarv um verkætlanina. Granskingarstovnar í øðrum londum kunnu vera, men tey skulu tá fíggja sín part.