Heilsufrøðingar skulu eisini vera familjuráðgevar

Heilsufrøðingar skulu nú eisini vera familjuráðgevar.

Kaj Leo Holm Johannesen, landsstýrismaður, sigur, at allir heilsufrøðingar fáa útbugving sum familjuráðgevarar eins og í Noregi. 

Ein slík eftirútbúgving fer at geva heilsufrøðingunum størri førleika í at vegleiða og stuðla foreldrum hjá ungum, sum hava rúsmisnýtslu.

Hetta er eitt mál, sum verður viðgjørt saman við Heilsutrygd og Gigni, sigur Kaj Leo Holm Johannesen.Hann hevur svarað einum spurningi frá Sirið Stenberg, løgtingskvinnu, sum spurdi, um fyribyrgjandi arbeiðið hjá Gigni verður styrkt.

Styrkt og víðkað

Seinastu árini er virksemið styrkt og víðkað, svarar landsstýrismaðurin. Tað umfatar nú eisini ráðgeving í sambandi við fosturtøku og ættleiðing.

Í ár er peningur játtaður til kanningarháttin, sum kallast Alarm Distress BaBy scale, sum verður brúktur til at kanna  sosialt afturhaldni hjá pinkubørnum.  

Ætlanin er, at allir heilsufrøðingar á smábarnaøkinum hava fingið útbúgving í hesum kanningarhátti í heysti.