Lula er ósekur í mutri

Fyrrverandi brasilski forsetin, Luis Inácio Lula da Silva, er ósekur í korrupsjón. Tað hevur ein dómari í hægstarætti í landinum gjørt av.

Lula, sum hann vanliga verður nevndur, var ein av best umtóktu forsetunum í Brasil, og fekk undirtøku frá øllum vinstravonginum. Tí kom tað sera illa við, tá hann varð dømdur fyri korrupsjón.

Hann sat í fongsli í 18 mánaðir, og varð latin leysur í 2019.

Hóast ein av dómarunum í hægstarætti nú sigur hann vera ósekan, skulu allir dómararnir í hægstarætti taka støðu til spurningin.

Eru teir samdir við fyrsta dómaran, so kann Lula aftur vera virkin í politikki í Brasil og stilla upp til forsetavalið næsta ár.