- Tíðindi, mentan og ítróttur
Bilsøla átalu fyri søluupplýsingar
Bilsøla átalu fyri søluupplýsingar
Tey, sum keypa bil í Føroyum, eiga at fáa at vita, hvør tænasta er galdandi í Føroyum og ikki í Danmark
Ein bilsøla fær átalu fyri villeiðandi upplýsingar í sølutilfari. Myndin hevur ikki samband við ítøkiliga málið, umrøtt í greinini
16.03.2021 - 07:26
Brúkaraumboðið sigur, at ein bilsøla hevði í sølutilfarinum um ein bil knýtt upplýsingar uppí um, at eitt fimm ára service- og umvælingarhald fylgdi við bilkeypinum.
Men keyparin fekk tó at vita, at garantiið er bara tvey ár. Bilsølan segði, at fimm ára service- og umvælingarhaldið bara er galdandi í Danmark.
Keyparin kærdi til Brúkaraumboðið, sum gjørdi bilsøluna varuga við mistakið. Brúkaraumboðið vísti til lógina um marknaðarførslu, sum ásetur, at sølu- og lýsingartilfar ikki má vera villleiðandi.
Í hesum føri komu keypari og bilsølan ásamt um eitt nøktandi service- og umvælingarhald, so Brúkaraumboðið ger ikki meira við málið.
Er kopiera
Nýggjastu sendingar í ÚV
Nýggjastu sendingar í SV
