Varaborgarstjórin: Finnið eitt hóskandi skip

Varaborgarstjórin í Tórshavnar kommunu, Annfinn Brekkstein, mælir leiðsluni á Strandferðsluni til at finna hóskandi skip til Nólsoyarleiðina. 

Hann vísir í lesarabrævi á, at nógvu avlýsingarnar við Erlu Kongsdóttir vísa greitt, at skipið ikki er álítandi á leiðini millum Nólsoy og Havnina. 

Loysnin er avloysaraskip, sum megnar bæði aldu og harðan streym. Eitt skip, sum altíð kann brúkast, og har pláss er fyri fólki, bilum og vanligum farmi.

– Reglusemi er minsta kravið, sum vit mugu kunna seta til hesa farleiðina, sum er sjálv lívsæðrin hjá nólsoyingum, skrivar varaborgarstjórin.