Fer ikki úr starvinum kortini

Turið F. Arge heldur fram sum rakstrarstjóri í BankNordik, boðar bankin frá. Turið F. Arge segði annars upp í bankanum í februar og skuldi gevast har 1. apríl.

Men nú hevur hon játtað at halda fram sum rakstrarstjóri. Turið F. Arge hevur arbeitt í bankanum í 14 ár, og hon hevur verið rakstrarstjóri síðani 2017.

Í samtaksleiðsluni í BankNordik eru Árni Ellefsen, forstjóri, Rune Nørregaard, kreditt- og fíggjarstjóri og Turið F. Arge, rakstrarstjóri.