Norwegian: Afturgongdin 94 prosent í mars

Norwegian hevði 94 prosent færri ferðafólk í mars mánaða í ár, samanborið við sama mánaða í fjør. Í mars flugu 71.399 viðskiftafólk við felagnum, sum er 94 prosent færri enn í mars í fjør.

Tað skrivar flogfelagið, Norwegian, í tíðindaskrivi. Jacob Schram, sum er samtaksstjóri hjá Norwegian, er tó bjartskygdur um framtíðina hjá flogfelagnum.

– Koppseting og onnur átøk, sum gera, at samfelagið verður meira opið, ger, at eg eri bjartskygdur um økt virksemi í Norra og í Evropa.