Ferðslan øktist í mars

Í mars koyrdu í miðal 4.297 akfør ígjøgnum Eysturoyartunnilin hvønn dag í mánaðinum, vísa tøl hjá Tunnilsfelagnum.

Í februar koyrdu í miðal 3.875 bilar ígjøgnum Eysturoyartunnilin, sum eru 422 færri hvønn dag samanborið við mars.

Í prosentum koyrdu 10,9 prosent fleiri akfør ígjøgnum Eysturoyartunnilin í mars enn tað gjørdu í februar.

Tað er tó eitt fitt petti eftir til tølini fyri januar, tá tað var ókeypis at koyra ein part av mánaðinum.

Í januar koyrdu í miðal 4.667 akfør ígjøgnum Eysturoyartunnilin um dagin, vísa tølini hjá Tunnilsfelagnum.