Vilja hava statistar til grindadráp í Sandagerði

Ert tú í Havn og hevur eina fríløtu seinnapartin, og kundi tú hugsað tær at verið við í sendirøðini, TROM, so er høvi til tess.

Framleiðarnir siga, at teimum tørvar fleiri statistar, nú upptøkur skulu gerast í Sandagerði, ið skulu brúkast til at ímynda eitt grindadráp.

Upptøkurnar eru í Sandagerði, og tær verða gjørdar til klokkan 19 í kvøld. Tað hevði frøtt framleiðarnar, um fleiri fólk kundu verið við í upptøkunum.

Øll eru vælkomin, og tað ger heldur einki, um nógv taka bilin við, so tað "sær út av nøkrum", sum framleiðarnir orða seg í áheitanini nú seinnapartin.