Dýrari at liva

Tað er vorðið dýrari at liva í Føroyum.

Brúkaraprísirnir fyrsta ársfjórðing vísa, at í miðal eru prísirnir størri enn í fjórða ársfjórðingi og í fyrsta ársfjórðingi í fjør, vísa tøl hjá Hagstovuni. 

Samanborið við fjórða ársfjóðing í fjør eru prísirnir nú 1,3 prosent hægri.

Samanborið við fyrsta ársfjórðing í fjør er príshækkingin 1,1 prosent.

12 vøru- og tænastubólkar eru í prístalinum.

Ikki alir prísir eru hækkaðir, sambært Hagstovuni.

Býli, gistingarhús og matveitarar og útbúgving kosta minni nú. Men klæði og bilar eru dýrari.