Uppskot um barnaváttan kemur eftir ólavsøku

Landsstýrið arbeiðir við málinum, og tí er ikki neyðugt at samtykkja eitt uppskot hjá andstøðuni.

Hetta er vanliga grundgevingin hjá einari samgongu fyri ikki at taka undir við einum andstøðuuppskoti.

Og hon verður eisini brúkt, nú Djóni Nolsøe Joensen í Javnaðarflokkinum hevur uppskot til samtyktar um barnaváttanir.

Uppskot eftir ólavsøku

Tí landsstýrið, landsstýrismaðurin í mentamálum, ætlar at koma við uppskoti um barnaváttan eftir ólavsøku, sigur meirilutin í Rættarnevndini hjá løgtinginum.

Ein barnaváttan er ein víðkað revsiváttan, har upplýst verður, um fólk, sum arbeiða við børnum undir 15 ár, eru dømd fyri at hava gjørt seg kynsliga inn á børn.

Seinastu fimm árini hevur løgreglan fingið 268 fráboðanir um kynslig brotsverk móti børnum.

63 fráboðanir eru um kynslig brotsverk móti børnum, sum eru yngri enn 18 ár.