Innflutningurin minkaði 340 milliónir krónur

Frá 1. mars í fjør til 1. mars í ár innfluttu Føroyar fyri góðar 340 milliónir krónur minni enn í sama tíðarskeiði 2019 til 2020, skrivar Hagstovan.

Serliga sæst bíliga oljan aftur í tølunum. Brennievni kostaðu fjórðingin minni, góðar 310 milliónir krónur, hetta seinasta árið.

Skip eru innflutt fyri 410 milliónir krónur minni. Men telja vit ikki skipini og brennievnið við, er innflutningurin størri í farna ári enn hann var frá mars i 2019 til mars í 2020.