Datt í havið

Tað, sum var eftir av kinesisku rúmdarrakettini, Long March, er dottið niður í indiska havið, upplýsa almennir kinesiskir myndugleikar.

Meginparturin av rakettini kolaðist upp í atmosferuni. 

Óvissa hevur verið um, hvar rakettin fór at detta niður, og um hon fór at raka landaøki, har fólk býr.

Fór út í apríl

Rúmdarakettin varð skotin út í apríl, og hon hevur verið í rúmdini við lutum, sum skulu brúkast at byggja eina nýggja kinesiska rúmdarstøð, ið væntandi verður liðug næsta ár.

Tá rakettin skuldi seta kós móti jørðini, mistu kinesisku myndugleikarnir tamarhaldið á henni, og í fleiri dagar varð stúrt fyri, at hon kundi detta niður í øki á breiddarstigum, har fólk býr, m.a. í New York, Madrid, Beijing, Kili og Wellington í Nýsælandi.

Í morgun kunngjørdu kinesisku myndugleikar so, at tað, sum er eftir av rakettini, er dottið niður í indiska havið.