Søkja eftir løgmansstjóra

Nú verður søkt eftir løgmansstjóra.

Marjun Hanusardóttir, sum hevur verið løgmansstjóri í 25 ár, gevst í starvinum í summar.

Løgmansstjórin er ovasti ráðgevi hjá løgmanni, og hevur ábyrgdina av dagligu leiðsluni, menningini og rakstrinum av Løgmansskrivstovuni.

Løgmansstjórin er eisini fremstur millum stjórarnar í fyrisitingini, og hevur ein serligan leiklut at tryggja, at øll landsstýrisfyrisitingin hongur væl saman, stendur í starvslýsingini.

Akademisk útbúgving

Førleikakrøvini eru viðkomandi akademisk útbúgving, útbúgving ella eftirútbúgving í leiðslu og/ella leiðsluroyndir á høgum stigi.

Starvið er flokkað í 40. lønarflokki, og harumframt er ein viðbót upp á slakar 6.000 kr. Viðbótin gevur ikki eftirløn.

Freistin at søkja starvið sum løgmansstjóri er 31. mai. 

Øll lýsingin sæst her.

Starvs- og persónsprofilurin til løgmansstjórastarvið kann lesast her.