Nú verða minkarnir grivnir uppaftur

Minkarnir vórðu avlívaðir og grivnir niður seint í fjør, men nú skulu teir fýra milliónir minkarnir gravast upp og brennast.

Klokkan hálvgum fimm í morgun fór fyrsti lastbilurin við minkum úr Nørre Felding móti Sønderborg, skrivar danska sjónvarpsstøðin, TV2.

Brennast trý støð í Danmark

Nakrir minkar skulu koyrast til Amager á Sælandi, nakrir til Sønderborg í Suðurjútlandi og nakrir til Hjørring í Norðurjútlandi.

Í dag fáa myndugleikarnir í Danmark eisini eina hóming av, hvussu langa tíð tað fer at taka, at grava minkarnar uppaftur og brenna teir.

Tað er ikki av tilvild, at arbeiðið byrjar ein í dag, Kristi himmalsferðardag, hevur ráðharrin í matvørumálum áður sagt, skrivar tíðindastovan, Ritzau.

Liðugt fyribeindir miðskeiðis í juli

Lítil ferðsla er á vegunum í Danmark í dag, og minkarnir mugu gravast upp áðrenn veðrið verður heitari.

Ein politiskur meiriluti á Christiansborg samtykti í desember, at minkarnir skulu gravast uppaftur. Orsøkin til, at so long tíð er gingin frá avgerðin varð tikin til nú, er smittuvandin.

Nakrir minkar, sum vórðu avlívaðir, høvdu koronu, og mett verður ikki, at smittuvandi er nú. Ætlanin er, at allir teir niðurgrivnu minkarnir eru fyribeindir miðskeiðis í juli.