Nógv full fólk í býnum

Nógv fólk vóru í býnum í Havn í nátt og løgreglan hevur havt úr at gera. Sambært løgregluni, vóru nógv fólk rættiliga full, og løgreglan hjálpti fleiri, sum lógu avdottin.

Sjúkrabilurin var boðsendur óvanliga ofta í nátt, tí fólk vóru dottin ella so rúsað, at neyðugt var at senda tey á sjúkrahúsið til kanningar. 

Eitt fólk var tikið fyri rúsdrekkakoyring, og eitt var tikið fyri at koyra uttan at hava førararætt til bil.