Bú- og heimatænastan meiri pening

Norðoya Bú- og heimatænasta hækkaði 22.apríl rakstrarjáttanina fyri 2021 slaka hálva aðru millión krónur.

Parturin hjá Klaksvíkar kommunu er slakar 1,3 mió. kr.

Býráðið skal viðgera eykajáttanina fyrru ferð í dag.  

Trivnaðarnevndin hjá býráðnum tekur undir við tilmælinum um at hækka játtanina og brúka pengar, sum kommunan fekk aftur frá Bú- og heimatænastuni, sum hevði avlop í 2020.

Fíggjarnevndin mælir eisini til at játta pengarnar.

Men meirilutin í Fíggjarnevndini sigur, at í sambandi við at nýggjar upplýsingar eru í málinum, verður heitt á Bú- og heimatænastuna um at koma við nærri útgreining um bilar og venjingartilboð á Viðareiði.