Ægir fór avstað við mest metali

14.06.2021 - 13:21
ÍtrótturSvimjing
Ægir fór avstað við mest metali
Ægir vann flest heiðursmerki, tá stóra Atlantic Cup-svimjikappingin var í langhylinum í Vági um vikuskiftið
Atlantic Cup var í Vági um vikuskiftið
Mynd: svimjing.com  
 

Tað vórðu norðoyingarnir, sum fóru avstað við flest heiðursmerkjum, tá stóra svimjikappingin, Atlantic Cup, var í Páls Høll í Vági um vikuskiftið.

Ægir vann 14 gull, 18 silvur og 12 bronsuheiðursmerki. Næstflest vann Havnar Svimjifelag, sum vann 19 heiðursmerki tilsamans, og á triðja plássi var Susvim við 17, skrivar svimjing.com.

55 svimjarar úr fimm feløgum tóku lut í kappingini, har serliga tríggir svimjarar gjørdu vart við seg.

Elisabeth Erlendsdóttir úr Havnar Svimjifelag átti besta avrik av øllum, tá ið hon við tíðini 30.81 sekund í 50 metra ryggsvimjing svam seg til 671 FINA stig.

Bartal E. Eidesgaard átti besta avrikið hjá monnum, tá ið hann við tíðini 54.40 í 100 metra frísvimjing svam seg til 641 FINA stig.

Lea Osberg Højsted úr Ægir svam undir kravtíðina til Norðurlendsku Meistarastevnuna fyri Ung 2021, tá ið hon svam 1:18.44 í 100 metra bringusvimjing, har kravtíðin var 1:18.55.

NMU 2021 verður í Klaipeda í Litava hin 10. og 11. juli 2021, skrivar svimjing.com.

Er kopiera
Nýggjastu sendingar í ÚV
Týsdag 3. august
Málbroytingar í føroyskum
126167
Týsdag 3. august
Morgunlestur týsdagur 3. august 2021
126407
Mánadag 2. august
Morgunlestur mánadagur 02. august 2021
126406
Sunnudag 1. august
Guðstænasta úr Vesturkirkjuni
127076
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990