Leingja sáttmálan um Bussleiðina

23.06.2021 - 11:12
AktueltSamfelag
Leingja sáttmálan um Bussleiðina
Gundur´s bussar eru sinnaðir at leingja sáttmálan við Tórshavnar kommunu til 1. januar 2023, við somu treytum, ferðaætlan og somu upphædd um mánaðin
Gundur´s bussar koyra býarbussarnar í Tórshavnar kommunu. Nú verður sáttmálin longdur til 2023.
 

Sáttmálin við Gundur´s bussar um busskoyring í Havn verður longdur eitt ár afturat. Tað ætlar Tórshavnar kommuna.

Sjey ára sáttmálin við Gundur´s bussar fór úr gildi 1. apríl 2018. Býráðið hevur longt sáttmálan við tí møguleikanum, sum sáttmálin gevur, við einum ári ella upp í tvey ár, og tann tíðin er farin. 

Seinast, sáttmálin varð longdur, var frá 1. apríl 2020 til 1. januar 2022.

Sinnaðir at leingja til 2023

Ein politiskur meiriluti í undanfarna býráði avgjørdi ikki at gera útbjóðingartilfar og bjóða Bussleiðina út, og sostatt binda nýtt komandi býráð til stóru fíggjarligu útreiðsluna, sum Bussleiðin er, skrivar kommunan.

Fundur hevur verið við umboð fyri Gundur´s bussar, og teir eru sinnaðir at leingja sáttmálan til 1. januar 2023, við somu treytum, ferðaætlan og somu upphædd um mánaðin. 

Eisini hava Gundur´s bussar váttan fyri, at bussarnir eru í góðkendum standi, og at teir kunnu koyra eitt ár afturat.

Samstundis sum sáttmálin eftir ætlan skal leingjast, skal býráðið taka støðu til undangóðkenning av teimum, sum ætlað at bjóða upp á Bussleiðina í framtíðini. 
 

Er kopiera
Nýggjastu sendingar í ÚV
Týsdag 28. september
Morgunlestur týsdagur 28. september 2021
127574
Mánadag 27. september
Nón - 27. september 2021
129144
Mánadag 27. september
Norðurljóð 27.september 2021
129003
Nýggjastu sendingar í SV
Mánadag 27. september
3-2
129161
Sunnudag 26. september
Andakt við Jógvani Zachariassen
129104
Sunnudag 26. september
Guðstænasta úr Vesturkirkjuni
129102
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807