- Tíðindi, mentan og ítróttur
Mikkjal í fýra ár afturat
Mikkjal í fýra ár afturat
KÍ-venjarin, Mikkjal Thomassen, hevur skriva undir nýggjan sáttmála, sum er galdandi til og við kappingarárið 2025
![](https://kvf.fo/sites/default/files/styles/grein-ovasta-mynd/public/200217_3_2_ki_upptakt_0047.jpg?itok=_34uo8Go)
Mikkjal Thomassen skal venja Betri-liðið hjá KÍ til 2025
23.06.2021 - 20:49
Mikkjal Thomassen skal stýra KÍ-skútuni til 2025. Felagið boðar frá, at nýggjur sáttmáli er undirskrivaður í kvøld.
Venjarin kom til KÍ í 2014, og við nýggja sáttmálnum kann Mikkjal Thomassen koma upp á 11 ár sum høvuðsvenjari hjá felagnum í Klaksvík.
Hæddarpunktini mugu metast at vera steypasigurin í 2016, FM-heitið í 2019 og evropeiska ævintýrið í fjør, sum endaði við play-off dysti til bólkaspælið í Evropa League.
Í løtuni er KÍ fremst í Betri-deildini við 40 stigum og stevnir ímóti FM-heitinum.
Nýggjastu sendingar í ÚV
Nýggjastu sendingar í SV