Ongland sigraði loksins á Týsklandi

29.06.2021 - 18:53
ÍtrótturFótbóltur
Ongland sigraði loksins á Týsklandi
Wembley, London og Ongland eru á gosi í kvøld, nú tað loksins eydnaðist Onglandi at vinna á Týsklandi til eitt endaspæl
Gareth Southgate, enskur landsliðsvenjarin, var lættur maður, tá dómarin bríkslaði síðstu ferð
 

Onglandi hevur roynt tað ofta. At tapa móti Týsklandi í einum avgerandi dysti til eitt EM ella HM-endaspæl í fótbólti. 

Øll fótbóltsáhuga minnast HM í Italia í 1990. tá sterka enska liðið mátti lúta fyri (Vestur)Týsklandi í brotssparkskappingini í hálvfinaluni. (Vestur)Týskland endaði við at vinna HM. 

Sama hendi til EM í 1996 á heimavølli á Wembley, tá eitt sterkst enskt landslið enn einaferð tapti eina hálvfinalu móti Týsklandi eftir eina brotssparkskapping. Gareth Southgate brendi avgerandi brotssparkið, og Týskland endaði við at vinna EM. 

Men í kvøld fekk Ongland so loksins hevd fyri hesi lemjandi tap, tá tað endaði Onglandi at vinna ein uppibornan 2-0 sigur á Týsklandi. 

Tannleysir týskarar

Dysturin var ikki serliga spennandi leikliga. Ongaland spældi verjukendi 3-4-3 ella 5-4-1, men hevði onkursvegna yvirtakið móti einum nokk so tannleysum týskum landsliði. 

Hóast Týskland var tannleyst, so fekk liðið spælt seg til góðar málmøguleikar, men Timo Werner og Thomas Muller misnýttu stóru møguleikarnar fyrst at leggja Týskland á odda og so at javna 1-0 leiðsluna hjá Onglandi. 

Hjá Onglandi vóru tríggir leikarar, ið skaraðu burturúr. Raheem Sterling, ið skoraði fyrra málið. Luke Shaw, ið legði upp til málið. Og Jack Grealish, sum legði upp til seinna málið, ið Harry Kane stútaði í málið. 

Dysturin livdi ikki upp til stóru vónirnar, men tað hevur einki at siga í Onglandi í dag, tí fótbóltslandsliðið hevur vunnið á Týsklandi er í fjórðingsfinaluni. 

Og nú kunnu eingilsmenn spakuliga byrja at trúgva upp á, at "Football is coming home", tí bæði portugisisku evropameistararnir, fronsku heimsmeistararnir og týska der mannschaft eru send heim.

Er kopiera
Nýggjastu sendingar í ÚV
Sunnudag 23. januar
Bolero 23. januar 2022
134456
Sunnudag 23. januar
Credo: "Enn eru vit til ".
134404
Leygardag 22. januar
Upp á tá - 210122
134446
Leygardag 22. januar
Jambalaja 220122
134439
Leygardag 22. januar
Marianna Debes Dahl er gestur í Brunsj
134438
Nýggjastu sendingar í SV
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328