Dómurin hjá Sunda kommunu kann brúkast sum fordømi

Sunda kommuna segði, at ein útfylling í havnini í Hvalvík var verd tvær milliónir krónur. Virðismetingin hjá Umhvørvisstovuni var 5,5 milliónir krónur.

Munurin á matrikuleringargjaldinum var 70.000 kr.

Føroya rættur gav Umhvørvisstovuni viðhald. Men Eystari landsrættur gav Sunda kommunu viðhald.

Aðrar kommunur kunnu brúka dómin, sum Sunda kommuna hevur fingið í Eystari landsrætti.

Tað eru kommunur, sum halda, at Umhvørvisstovan hevur virðismett útfyllingar hjá teimum ov høgt og kravt matrikuleringargjald sambært tí.

Sunda kommuna logo

Endaði í Hægstarætti

Matrikuleringargjaldið er tvey prosent av metta virðinum.

Og tað er í lagi, hevur sjálvur Hægstirættur sagt.

Eitt mál millum Tórshavnar kommunu og Umhvørvisstovuna endaði í Hægstarætti.

Kommunan segði, at Umhvørvisstovan hevði ikki loyvi til taka hetta gjaldið.

Sakarmálið var ein rokning frá 2011 fyri matrikulert arbeiði í sambandi við útstykkingina við Mylnutjørn í Hoyvík.

Málið endaði við dómi í Hægstarætti í 2018.

Umhvørvisstovan fekk viðhald á øllum trimum rættarstigum.

Rokningin var 800.000 kr. Men Tórshavnar kommuna vildi gjalda 200.000 kr.