Dagpengar í 12 vikur afturat

07.07.2021 - 06:36
AktueltPolitikkur
Dagpengar í 12 vikur afturat
Nú skulu fólk hava møguleikan at fáa dagpengar í 52 vikur, ætlar landsstýriskvinnan í almannamálum
 

Frá nýggjárinum fara fólk at kunna fáa dagpengar í 12 vikur afturat.

Nú sigur lógin, at fólk kunnu fáa dagpengar í mesta lagi í 40 vikur í einum 12 mánaða skeiði.

Men nú er gjørt eitt lógaruppskot, sum sigur 52 vikur í einum 18 mánaða skeiði. 

Elsebeth Mercedis Gunnleygsdóttir, landsstýriskvinna í almannamálum, sum eigur uppskotið, sigur, at ikki er óvanligt, at fólk, sum hava til dømis krabbamein, eru óarbeiðsfør í meira enn 40 vikur, ella níggju mánaðir.

Ætlanin er, at lógarbroytingin skal koma í gildi 1.januar næsta ár.  

 

Endurgjald til avvarandi

Ein onnur broyting, sum er skotin upp, er um endurgjald til teirra, sum ansa eftir avvarðandi.

Sambært galdandi lóg kann hetta endurgjaldið bæði latast eftir dagpengalógini og eftir almannalógini.

Nøkur lúka treytirnar í báðum lógum. Tá skal endurgjaldið latast eftir dagpengalógini.

Hetta kann vera ein vansi, tí tann veitingin er í nøkrum førum minni enn hon er sambært almannalógini.

Eftir uppskotinum um lógarbroyting, skal endurgjaldið latast eftir almannalógini.

Og nýggja pensjónsslagið, framskundað pensjón, verður javnsett við fyritíðarpensjón í dagpengalógini.

Ein onnur broyting er, at fólk, sum hava útsetta fólkapensjón, fáa nú rætt til dagpengar.

Sjálvstøðugt vinnurekandi, sum hava skipað sítt virksemi í einum felagi, kunnu tekna eina trygging hjá Almannaverkinum. 

Men treytin er, at viðkomandi ikki hevur arbeiðsmegi afturat sær. 

Hetta skal broytast, so treytin um arbeiðsmegi afturat stjóranum verður strikað. Lønarútreiðslurnar kunnu nú vera í mesta lagi 1,9 mió. kr.

Almannamálaráðið hevur leysliga mett, at broytingar fara at kosta landskassanum hálvaaðru til tvær milliónir krónur um árið í fyrsta umfari.


 

Er kopiera

Sí eisini

Nýggjastu sendingar í ÚV
Hósdag 21. oktober
RagnarRokk 21.oktober 2021
130086
Hósdag 21. oktober
Frá fyrsta Smirli til í dag - 23. sending
130139
Hósdag 21. oktober
Mono: Brølandi 20-ini (1:5)
130212
Hósdag 21. oktober
Breddin
130183
Nýggjastu sendingar í SV
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065