Finnland fær uppreisn

13.07.2021 - 17:09
AktueltÚtheimurin
Finnland fær uppreisn
Evropiski mannarættindadómstólurin hevur broytt avgerðina um at revsa Finnland í einum máli, har ein iraki skal verða dripin í Irak eftir at verða útvístur úr Finnlandi
Irakin "Ali", sum ikki fekk friðskjól í Finnlandi
Mynd: finska kringvarpið  
 

Í november 2019 staðfesti Evropiski mannarættindadómstólurin, at Finnland bar seg skeivt at, tá tað útvísti ein irakskan mann, sum bað um friðskjól, og sum í fjølmiðlunum varð róptur Ali, og sum, sambært upplýsingum, var dripin stutt eftir at hann fór aftur til Bagdad.

Dómstólurin metti, at Finnland ikki hevði hugsað nóg nógv um vandan í sambandi við mannarættindasáttmálan, tá tað sendi Ali aftur til Irak. Finnland fekk eisini 25.000 evrur í bót, - tað svarar til 185.000 krónur.

Var livandi

Í fjør vár boðaði Sentral-kriminalløgreglan frá, at tey mettu, at avgerðin hjá dómstólinum varð grundað á falsað skjøl, og at irakski maðurin framvegis var livandi. Dóttur og versonur Ali høvdu logið um drápið fyri at snýta finskar myndugleikar og fáa endurgjald. 

Men lokabragdið var avdúkað áðrenn finski staturin rindaði teimum endurgjald, og í september í fjør heitti finska stjórnin á Evropiska mannarættindadómstólin um at endurskoða málið.

Rættarsamfelagið virkar

- Hetta er eitt serstakt mál. Finnland hevur ongantíð biðið um eina gjøgnumgongd av einum máli og avgerð hjá Evropiska dómstólinum. Loysnin er greið. ES-dómstólurin strikar dómin móti Finnlandi - allan, sum hann er. Hetta vísur sera greitt, at rættarsamfelagið virkar, sigur Krista Oinonen, ríkisumboð fyri Finnland í Evropiska mannarættindadómstólinum, við finska kringvarpið.

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699