Koppingarevni bjarga lívum

Amerikanska átakið fyri at koppseta fólk fyri koronu, hevur bjargað 279.000 mannalívum og hevur forðað fyri at 1,25 milliónir fólk hava havt fyri neyðini at fara á sjúkrahús.

Tað vísir ein kanning sum Yale universitetið hevur gjørt, skrivar NTB.

- Koppingarevnið hevur roynst væl fyri koronu, og hevur forðað fyri at smittan breiðir seg, sigur Alison Galvani, sum samanvið øðrum gjørdi kanningina. Hon er professari og leiðari á smittudeildini á Yale universitetinum.

Hon viðgongur kortini, at Deltaslagið av virusinum kann broyta myndina um ikki fleiri lata seg koppseta, og hon minnir á, atumfarssóttin framvegis er í hæddini.

- So leingi sum ikki fleiri fólk í USA eru koppsett, er vandi fyri at fleiri fara at doyggja av koronu. Vandin er ikki av, og nógv arbeiði er eftir at gera, sigur Alison Galvani.