Leivur er nýggjur fyrstilærari á Velbastað

Leivur Frederiksen er settur í starvið sum fyrstilærari í Velbastaðar skúla. 

Leivur er 40 ára gamal, tók læraraprógv á Skårup seminarium í Danmark, journalistútbúgving á Danmarks Medie og Journalisthøjskole, og hann hevur eisini námsfrøðiliga leiðsluútbúgving frá Fróðskaparsetrinum.

Leivur Frederiksen hevur verið lærari á Oure Idrætsefterskole í Danmark, í Argja skúla og í Sankta Frans skúla í Havn. 

Leivur Frederiksen er kanska allarbest kendur sum ítróttarjournalistur, redaktørur og vertur á 3-2 sendingini her í Kringvarpinum frá 2008 til 2019.