Bashar al-Assad afturvaldur

Bashar al-Assad afturvaldur
Sýriski forsetin Bashar al-Assad er svorin í eið fyri fjórðu ferð til enn eitt sjey ára forsetaskeið
 
18.07.2021 - 13:51

Sýriski forsetin Bashar al-Assad er í eið fyri fjórðu ferð til enn eitt sjey ára forsetaskeið.

Á valinum í mai mánaði fekk hann 95 prosent av atkvøðunum og varð afturvaldur. Hini bæði valevnini fingu ávikavist 3,3 og 1,5 prosent av atkvøðunum.

Valluttøkan var sambært tingformanninum 78 prosent.

 

Órættvíst

USA, Bretland, Týskland, Frakland og Italia hava sagt, at forsetavalið var hvørki frælst ella rættvíst, og sýriska andstøðan hevur kallað valið eina "farsu".

Valið í mai varð hildið, sjálvt um sýriska stjórnin er partur av eini friðartilgongd undir ST, ið leggur upp til eina nýggja grundlóg, sum skal tryggja fræls og rættvís val undir eftirliti av ST.

Men valið varð bert hildið í teimum pørtum av landinum, sum stjórnarherurin hevur tamarhald á, og á nøkrum sýriskum sendistovum. Í útnyrðingspartinum av Sýria, har uppreistrarherurin hevur valdið, búgva tríggjar milliónir fólk. Har hava mótmæli verið móti valinum.

Sýria hevði eisini forsetaval í 2014, tá borgarakríggið leikaði upp á tað harðasta. Tá fekk Bashar al-Assad 88 prosent av atkvøðunum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585