Muhamedteknarin deyður

19.07.2021 - 08:00
AktueltÚtheimurin
Muhamedteknarin deyður
Danski keiputeknarin Kurt Westergaard er deyður, 86 ára gamal.
 

Kurt Westergaard bleiv víðagitin, tá hann í 2005 teknaði islamska profetin Muhamed í Jyllands-Posten.

Blaðið prentaði tekningar av profetinum frá 12 ymsum teknarum, og tað førdi til allarhelst størstu uttanríkispolitisku kreppu hjá Danmark í nýggjari tíð.

Við tekningunum afturvið eini grein um talifrælsi og sjálvsensur vildi Jyllands-Posten mótmæla, at fleiri danskir teknarar ikki tordu at tekna myndir av Muhamed til eina danska barnabók um islam.

 

Turban við bumbu
Men tekningin hjá Kurt Westergaard av profetinum við eini bumbu í turbanini elvdi til mikla øsing í muslimskum londum.

Táverandi forsætisráðharrin Anders Fogh Rasmussen vildi ikki eftirlíka kravinum frá muslimskum londum um at revsa Westergaard, og tað førdi til, at danskar vørur vórðu boykottaðar, donsk fløgg vórðu brend, og donsku sendistovurnar í Damaskus og Beirut vórðu álopnar.

Tað førdi eisini til, at Kurt Westergaard mátti liva síni seinastu ár undir verju frá donsku trygdarløgregluni PET.

Í 2012 breyt ein somaliskur maður seg inn á hann, vápnaður við øks, men Westergaard læsti seg inni á vesinum og slapp undan manninum.

Kurt Westergaard gavst sum teknari hjá Jyllands-Posten fyri 11 árum síðani, tá hann bleiv 75 ár.

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699