Vatnflóð í London

Í London regnaði illa í gjár, og frárenslini klára ikki at svølgja nógva avfallið.

Vatn er runnið niður í kjallarar, og summar gøtur í býnum standa undir í vatni.

Sagt verður frá meira regni í dag og í kvøld, upp í 100 millimetrar, sum er meira enn tvífalt so nógv, sum er vanligt fyri allan juli mánað í London.

Hitabylgja

Seinastu dagarnar hevur hitabylgja verið í Bretlandi, men nú hevur eitt lágtrýst broytingar við sær í veðrinum.

BBC sigur frá sløkkiliðnum í London, at nógv fólk hava ringt, men enn hevur eingin verið í lívsvanda.

Grimdarregnið í London kemur eftir nógva avfallið í vestara parti av Evropa, sum hevði við sær stóra vatnflóð, serliga í Týsklandi og Belgia.