Ílegulógin verður endurskoðað

Nýggjar lógir gera, at neyðugt er at endurskoða ílegulógina, sum kom fyri meira enn 15 árum síðani.

Løgtingslógin um gransking í mannaílegum verður endurskoðað.

Í 2018 varð sundhedsloven sett í gildi í Føroyum. 

Í donsku lógini eru ásetingar um nationalt genomcenter. 

Hesar ásetingar vóru ikki settar í gildi í Føroyum, tí ásetingin skal í endurskoðaðu ílegulógina.

Nýggj lóg um persónsupplýsingar er komin, og hon krevur eisini, at ílegulógin verður broytt.

Álitið um persónlagað medisin krevur eisini broytingar í ílegulógini, so tilfarið í Ílegusavninum kann nýtast til persónlagaðan heilivág.