Løgmaður vil hava nýtt fongsul

30.07.2021 - 13:13
AktueltPolitikkur
Løgmaður vil hava nýtt fongsul
Ein arbeiðsbólkur er settur at greina, hvussu fongsulsviðurskiftini í Føroyum kunnu betrast
Løgmaður heldur, at besta loysnin er at byggja nýtt fongsul í Føroyum.
 

Løgmaður vil hava eitt nýtt fongsul í Føroyum. 

Tað segði Bárður á Steig Nielsen í ólavsøkurøðu síni í gjár.

Ein arbeiðsbólkur við føroyskum og donskum embætisfólkum er settur at greina, hvussu fongsulsviðurskiftini kunnu betrast, antin við at umvæla bygningin í Mjørkadali, ella at byggja nýtt.

Men løgmaður heldur sjálvur, at besta loysnin er at byggja nýtt fongsul. 

Færri skulu verða avbyrgd

Landsstýrið sigur, at færri fangar skulu sita avbyrgdir, og tað skal bera til at hýsa teimum, sum skulu sita dóm, ið er longur enn ár, í Føroyum. Landsstýrið vil eisini, at ung ikki skulu sita saman við vaksnum fangum, og at útslúsingartilboð í sambandi við leyslating verða skipað. 

Føroyingar eiga at sita dóm í Føroyum og ikki verða sendir til Danmarkar, sigur landsstýrið. 

Víst er eisini á, at hvørki bygningurin ella staðsetingin í Mjørkadali eru hóskandi til fongsul. Tí eigur nýtt fongsul, ið eisini nøktar framtíðartørv, at verða bygt. 

Nýggj avtala um kriminalforsorg

Frágreiðingin frá arbeiðsbólkinum skal vera liðug í heyst. Hon verður partur av fyrireikingunum til eina nýggja avtalu um kriminalforsorgina, sum verður gjørd millum politisku flokkarnar á Fólkatingi í seinasta lagi við árslok, sigur løgmaður í fylgiskjali til ólavsøkurøðuna. Henda avtalan verður galdandí fleiri ár. 

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699