Naser Khader koyrdur úr Konservativa flokkinum

Konservativi flokkurin á fólkatingi hevur koyrt Naser Khader úr flokkinum.

Tað upplýsir floksformaðurin, Søren Pape Poulsen.

Naser Khader skrivar á Facebook, at hann hevur í dag tikið seg úr flokkinum.

Kynsligur ágangur

Fleiri kvinnur søgdu við danska kringvarpið fyrr í summar, at Naser Khader í fleiri ár hevði framt kynsligan ágang móti teimum.

Khader hevur víst øllum skuldsetingum aftur.

Konservativi flokkurin setti eina advokatkanning í verk av málinum, og úrslitið av kanningini hevur nú við sær, at Naser Khader er koyrdur úr Konservativa flokkinum.

Eingin ivi

- Tá kanningarúrslitið varð lagt fyri meg í gjár, var eingin ivi í mínari verð um, at tað ber ikki til hjá Khader at verða limur í Konservativa flokkinum longur, sigur Søren Pape Poulsen.

Hann sigur, at øll fólkatingsmanningin tekur undir við avgerðini um at koyra Naser Khader úr flokkinum.