Danir fáa triðja prikið

Triðja prikið av koppseting fyri koronu verður nú veruleiki í Danmark. Tað upplýsir danska Heilsustýrið.

Heilsustýrið skrivar, at tey í næstu viku koma við mannagongdum fyri endurkoppseting av fólkum, sum hava veika immunverju.

Teirra millum eru fólk, sum eru í kemoviðgerð, hava fingið skift gøgn ella fólk við sjúku, sum gevur teimum álvarsama veika immunverju.

Danska heilsustýrið er eisini vegleiðandi fyri heilsuverkið í Føroym.