Jákup Sverri verður starvsvenjingarskip

20.08.2021 - 14:11
AktueltSamfelag
Jákup Sverri verður starvsvenjingarskip
Avtala er gjørd millum Havstovuna og Vinnuháskúlan
Jákup Sverri verður starvsvenjingarskip há aspirantum á Vinnuháskúlanum.
 

Havrannsóknarskipið Jákup Sverri verður starvsvenjingarskip hjá aspirantum á Vinnuháskúlanum, upplýsir Havstovan.

Avtala er gjørd millum Havstovuna og Vinnuháskúlan.

Frammanundan hevur Vinnuháskúlin góðkent m.a. Smyril Line, Skansa Offshore, Thor Offshore og Bakkafrost sum útbúgvingarstøð fyri aspirantar.

- Við avtaluni við Havstovuna verður ein møguleiki aftrat hjá aspirantlesandi at fáa dygdargóða siglingstíð við skipum í serflokki, sigur Símun Poulsen, stjóri á Vinnuháskúlanum. 

Siglingstíð til fyrsta vinnubrævið

Aspirantkunngerðin varð lýst í 2015, og hon gevur lesandi á Vinnuháskúlanum møguleika at fáa siglingstíð til fyrsta vinnubrævið.

- Havstovan vil fegin vera við til at leggja fleiri lunnar undir møguleikarnar hjá aspirantum, sigur Annfinn Hjelm, reiðari á Jákupi Sverra. 

Hann sigur, at tað er sjálvsagt at gagnnýta framkomna skipið til at geva aftur til føroyska samfelagið, og at fáa enn fleiri útbúgvin fólk at søkja sjógvin, skrivar Havstovan.

Havrannsóknarskipið Jákup Sverri siglir eftir ætlan, sum er løgd til rættis fyri eitt ár í senn. Fyribils er ætlanin at hava ein brúgvaaspirant knýttan at skipinum í senn.

 

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750