Afganska stjórnin fall skjótari enn væntað

Afganska stjórnin fall skjótari enn væntað
Bretski uttanríkisráðharrin sigur, at fregnartænastuupplýsingar bendu á, at Taliban fór ikki at taka valdið í hesum árinum
Dominic Raab er bretskur uttanríkisráðharri.
 
04.09.2021 - 10:45

Stjórnin í Afganistan fall nógv skjótari enn væntað.

Upplýsingar hjá bretsku fregnartænastuni bendu á, at stjórnin fór at verða sitandi í hvussu er alt hetta árið, sigur bretski uttanríkisráðharrin, Dominic Raab.

Tí hevði Bretland heldur ikki fyrireikað seg til allan ruðuleikan í kjalarvørrinum av, at Taliban tók høvuðsstaðin Kabul 15. august.

Taka herdeildir aftur

Dominic Raab hevur greitt undirhúsinum frá avgerðini um at taka bretsku herdeildirnar úr Afganistan.

Hvørki USA ella Bretland vóru før fyri at meta um, hvussu skjótt Taliban fór at taka høvuðsstaðin.

Fregnartænastuupplýsingar søgdu, at Taliban fór ikki at taka høvuðsstaðin fyrr enn nakrar mánaðir eftir, at seinastu útlendsku hermenninir vóru farnir úr Afganistan.

Dominic Raab segði, at vesturheimurin var greiður um, at Taliban fór at taka valdið í Afganistan, men tað var óvæntað, at tað hendi so skjótt.

Vilja hava uttanríkisráðharran frá

Andstøðan í bretska parlamentinum hevur heitt á Boris Johnson, forsætisráðharra, um at koyra Dominic Raab frá, tí hann helt frí á griksku oynna Kreta, samstundis sum Taliban nærkaðist Kabul.

Uttanríkisráðharrin sigur, at hann hevur onga ætlan um at leggja frá sær. 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592