Nokk av koppingarevni

Áðrenn árið er liðið, er nóg mikið at koppingarevni fyri korona, til øll fólk í heiminum.

Tað sigur áhugafelagið, IFPMA, sum umboðar flestu av teimum størstu heilivágsfyritøkunum í heiminum.

Mett verður, at 12 milliardir skamtir verða tøkir í ár, eru boðini frá felagnum.

Fá koppsett í Afrika
Hóast ríku londini velja at koppseta øll yvir 12 ár, so verða 1,2 milliardir skamtir tøkir, sum kunnu býtast millum onnur lond, skrivar metingarfyritøkan, Airfinity.

- Tað merkir eisini, at stjórnir, sum royna at goyma heilivág, ikki hava fyri neyðini at gera tað, sigur aðalskrivari í IFPMA, Thomas Cueni.

Umleið 70 prosent av fólkinum í ríku londunum er koppsett, men í Afrika eru bert um seks prosent av fólkinum koppsett, skrivar DR.