Umstrídd gassleiðing liðug

Verkætlanin, sum merkir, at gass verður flutt beinleiðis millum Russland og Týskland, skal nú royndarkoyrast í nakrar vikur. Eftir ætlan verður gassleiðingin tikin í brúk í oktober mánaði.

Russiska orkufelagið Gazprom eigur ein stóran part av partabrøvunum í Nord Stream 2. Og tað er russiski staturin, sum eigur Gazprom.

Gassleiðingin hevur verið nógv umstrídd seinastu árini, og amerikanska stjórnin hevur fyrr boðað frá, at hon ætlar at seta tiltøk í verk ímóti leiðingini, tí amerikanarar stúra fyri, at Evropa verður ov heft av gassi úr Russlandi.

Danska orkustýrið sigur, at umleið 55 milliardir rúmmetrar av gassi fara at floyma gjøgnum nýggju gassleiðingina um árið, úr Russlandi til Týsklands