Broytingar í fólkaskúlalógini koma í vár

Ætlanin er at leggja uppskot fyri tingið um broytingar í fólkaskúlalógini í vár.

Tað upplýsir Jenis av Rana, landsstýrismaður, í svari til Beintu Løwe, løgtingskvinnu.

Arbeiðið at endurskoða fólkaskúlalógina er fyrireikað og lýst. Fólkaskúlaráðið hevur eftir áheitan frá landsstýrismanninum gjørt tilmæli í málinum, og hoyringarfundur er ásettur. 

Seta arbeiðsbólk

Síðani verður arbeiðsbólkur settur at viðgera ætlaðu broytingarnar, sigur landsstýrismaðurin í mentamálum.

Ætlanin er at leggja uppskot um broytingar í fólkaskúlalógini fyri tingið á vári í 2022, men um allar broytingarnar verða tiknar við, veldst um, hvussu umfatandi tilmælið verður, og um allar broytingar kunnu verða gjørdar samstundis, sigur Jenis av Rana í svarinum til Beintu Løwe.