Vitja varðhaldið og politistøðina

Vitja varðhaldið og politistøðina
Føroyanevndin hjá fólkatinginum er á vitjan í Føroyum í hesum døgum
Edmund Joensen er formaður í Føroyanevndini, og Sjúrður Skaale er næstformaður.
 
20.09.2021 - 10:04

Føroyanevndin hjá fólkatinginum var í morgun í Vinnuhúsinum, og er nú veg í Mjørkadal at vitja varðhaldið.

Fyrrapartin er nýggja politistøðin eisini á skránni.

Seinnapartin fer nevndin í Hugskotið og gonguferð á Oyri, har formaðurin í nevndini, Edmund Joensen, býr.

Til Klaksvíkar

Í morgin eru Bakkafrost á Glyvrum, Gloria í Klaksvík, Føroya bjór, Christianskirkjan, Betesda og Looknorth á skránni. 

Borgarstjórin í Klaksvík hittir nevndina við Djúpumýrar.  

Mikumorgunin hittir nevndin løgmann, Uttanlandsnevndina. Hon vitjar Arktis Kommando, Barnaverndarstovuna og mikukvøldið hevur Kingokórið kirkjukonsert í Tjørnuvík.

Hósdagin eru Listaskálin og Glasir á skránni, áðrenn nevndin fer til Danmarkar kl.15.00.

Tíggju limir í Føroyanevndini teknaðu seg til Føroyaferðina.

Teirra millum eru føroysku fólkatingslimirnir, Edmund Joensen, sum er nevndarformaður, og Sjúrður Skaale, sum er næstformaður. Harafturat eru tveir embætismenn.

Fyrsta vitjan síðani 2019

Hetta er fyrstu ferð eftir fólkatingsvalið í 2019, at Føroyanevndin kemur til Føroya.

29 fólk eru í Føroyanevndini.

Endamálið við hesum ferðunum er at hitta politikarar, embætisfólk og vinnulívsfólk í Føroyum.

Fíggjarætlanin hjá ferðini er mett at vera 150.000 kr. 

Er kopiera
Nýggjastu sendingar í ÚV
Mikudag 18. november
Skipsboð
216603
Mikudag 18. november
Heilsuhornið
216597
Týsdag 17. november
Vitan
216375
Týsdag 17. november
Vitan
216297
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470