Fiskimenn í Danmark gevast

Kreppa í donsku fiskivinnuni, og tí eru nógv skip til sølu, skrivar danska kringvarpið, DR.

Danskir fiskimenn síggja lítla framtíð í fiskivinnuni, og velja tí at gevast.

Eit av stóru feløgunum, sum fæst við at selja skip, West-Ship Shipbroker Company, upplýsir fyri DR, at umleið 150 skip og bátar eru til sølu, og tað er tvær ferðir so nógv sum í 2018.

- Í løtuni verða skip og bátar í øllum støddum seld, og talan er bæði um eldri og nýggj før, sigur Anders Stenumgaard, stjóri í felagnum, sum harmast gongdina.

Sambært fiskimonnum, sum DR hevur tosað við, er orsøkin, at avtalan um fiskivinnuna, sum ES gjørdi við Bretland eftir brexit, ger tað torført hjá donsku fiskimonnunum at virka, og tí velja teir at gevast, skrivar DR.